To my Reema,
My Life 🩷

أحيانًا أتمنى لو تقدرين تشوفين نفسك بعيوني ولو للحظة وحدة بس عشان تعرفين قد إيش أنتِ إنسانة مميزة عندي، وقد إيش وجودك بحياتي يعني لي الكثير من بين كل هالناس اللي بالدنيا، أنا ممتنة جدًا إن طرقنا تقاطعت، وإن ربي كتب لي أعرفك وأصير قريبة منك ولو لي أمنية وحدة أختارها، بتكون إنك تبقين بحياتي عمر طويل، ونعيش سوا ذكريات مره كثيره. أتمنى الحياة تكون حنونة عليك دايم، وإن ربي يحقق لك كل أمنية ساكنة بقلبك حتى الأمنيات اللي ما قلتيها لأحد، أو اللي للحين ما تجرّأتي تتمنينها. أتمنى من كل قلبي تلقين سعادتك بأبسط تفاصيل أيامك، ويعطيك ربي ألف سبب يخليك تبتسمين، حتى بالأيام اللي تكون ثقيلة عليك. وأكثر شيء أتمناه لنا، إن مهما تغيّرت الحياة ومهما انشغلنا أو اختلفت تفاصيل أيامنا، تظل صداقتنا تحتفظ بمكانتها بقلوبنا، نلقى لبعض وقت، ونشارك بعض تفاصيلنا الصغيرة قبل الكبيرة، ونظل جزءًا من حياة بعض، مثل ما أنا ممتنة اليوم إنك جزء من حياتي. يمكن ما تعرفين أبدًا قد إيش أنا ممتنة إني عرفتك من بين كل الأشخاص اللي كان ممكن تجمعني فيهم الأيام، كانت أنتِ، وأحس إن معرفتك من الأشياء الجميلة اللي أحمد ربي عليها، واللي أتمنى تظل معي لسنين طويلة. أحبك يا ريمو، حب أكبر من إن كم كلمة تقدر توصفه، وكل اللي أتمناه لنا، إننا بعد سنين طويلة نكون للحين بحياة بعض، عندنا سوالف جديدة نحكيها، وذكريات قديمة نضحك عليها، وأيام جميلة كثيرة نعيشها سوا. هذي الأغنية لك، وهذا الكلام لك، وكل هالمشاعر لأنك أنتِ يا ريما أجمل حاجة كسبتها من هالدنيا. الله يديمك لي صديقة وأخت، ويكتب لك من الفرح أضعاف اللي تتمنينه، ويجعل أيامك مليانة خير وطمأنينة، وتبقين دايم بخير وسعادة 🩷💌